Nikulit og kasaysayan ang The Nation’s Girl Group BINI, isip labing unang all-Filipino girl group nga mopasundayag sa Coachella Valley Music & Arts Festival.
Sumala sa opisyal nga pahibalo sa festival, ang grupo magpasundayag sa umaabot Abril 10 ug 17, 2026, diin ang mga tiket ibaligya sa Septiyembre 19 para sa mga advance ticket nga ma-avail.
Ang usa ka semana nga General Admission pass magsugod sa $649, samtang ang VIP pass moadto sa $1,299.
Dugang niini, ang BINI moapil sa internasyonal nga mga lineup sama sa KATSEYE, Foster the People, Ethel Cain, Teddy Swims, The XX, Nine Inch Noize, ug Disclosure sa lineup.
Samtang ang maong festival gipangunahan ni Sabrina Carpenter (Abril 10 ug 17), Justin Bieber (Abril 11 ug 18), ug Karol G (Abril 12 ug 19).
Ang Coachella usa sa pinakadako nga festival sa musika sa kalibutan, nga gihimo matag tuig sa California, ug nailhan tungod sa paghiusa sa pinakadako nga mga ngalan sa musika gikan sa nagkalain-laing genre.
