Nasikop atol sa Entrapment Operation sa Criminal Investigation Detection Group Region 7 (CIDG7) ang duha ka mga indibidwal nga namaligya og peke nga mga Tire Sealant sa Zone 2, A Del Rosario St., Mantuyong, Mandaue City, Cebu sa niaging adlaw.
Sa pagksaikop, naimbargo ang muabot 200 ka mga boxes nga may sulod nga 24 ka 500 ml nga botilya sa tire sealant matag usa niini, ug usa ka resibo nga adunay kantidad nga 288,000 pesos.
Samtang, adunay laing 10 ka mga plain view boxes usab nga fake nga Auto Tire Sealeant sa sumatotal muabot sa kantidad nga 604, 800 pesos.
Nailhan ang mga suspetsado nga sila si Melanie Chen, pinoy ug 33-anyos, samtang si Mingkun Chen, Chinese national 37-anyos, ug parehang anaa nagpuyo sa #08 A Del Rosario St., Mantuyong, Mandaue City Cebu.
Sa gikabutyag usab ni PLTCOL. Jeric Filosofo, Chief of Provincial sa CIDG 7, adunay usa ka authorized seller nga nidangop sa ilang opisina aron pagaimbestigahan ang maong pagpamaligya og peke nga tire sealant nga usa pod ka kompetensiya sa ilang negosyo.
Dugang pa nga anaa ra sa kunhod nga kantidad ang presyo sa mga gipamaligya niini susama sa tag 50 pesos, apan diay ang orihinal nga kantidad niini kay 100 pesos.
Sa pagkakaron, ang mga suspek pasakaan og kaso ubos sa Violation of Sec. 155 and Sec 168 of RA 9283 and Viol of Sec. 2 of RA 623 as amended by RA 5700 in relation to CIDG Flagship Project in relation to Oplan Mega Shopper.
