Usa ka wrestler sa Egypt ang nanghinaot nakabuak sa world record human mibitad og 635,000 kilograms nga barko gamit lang ang iyang ngipon.
Giila kining si Ashraf Mahrous, 44-anyos kinsa maoy nagpakitang gilas sa iyang kakusog sa pagbitad og barko gamit iyang ngipon didto sa Red Sea resort sa Hurghada, Egypt.
Adunay angga nga ‘Kabonga’ si Mahrous kinsa iladong “strongman” sa iyang nasud diin dili lang usa apan duha ka barko ang gibitad niini nga kinatibuk-ang gibug-aton sa 1,150 tons.
Gitinguha niyang mabuak ang record nga 614-ton nga natala niadtong 2018 sa Guinness World Records.
Matod pa na-build niya iyang gikusgon pinaagi sa pag-training sulod sa unom ka oras kada adlaw ug sa pagkaon sa protein ug iron-rich nga mga pagkaon sa dili muminos nga usa ka dozena sa itlog, duha ka tinibuok nga manok, ug lima ka kilo sa isda.
Gani nanghangyo pa kini sa preisdente sa Egypt sa pagtugot kaniya nga sunod mubitad og submarine ug eroplano gamit iyang eyelid muscles.
Gituohan niyang ang pakigtabi sa mga butang nga iyang bitaron kay usa sa mga nakatampo nga masugakod niya kini sa iyang talagsaong talento sa kakusog.
