Ninaog sa katungdanan si Senate President Pro Tempore Ping Lacson isip chairman sa Senate Blue Ribbon Committee human gikatahong wala matagbaw o satisfied ang pipila ka mga senador sa iyang pagpanguna sa imbestigasyon sa mga iregularidad sa mga flood control projects.
Sumala ni Lacson, iyang girespito ang sentimento sa iyang mga kauban kay ang mga chairmenship gibase sa kabubut-on sa mayoriya sa Senado.
Samtang nangandam sa iyang pormal nga pagluwat sa katungdanan sa pagbalik sa sesyon, si Lacson niinsister nga iyang ipadayon ang pakigbatok sa korapsyon.
Gilimod usab niini ang mga pasangil nga iyang giprotektahan ang pipila ka mga magbabalaod ug niinsister nga patas siya sa iyang pagdumala sa mga hearing.
Matod ni Lacson, nga kung siya lang ang pangutan-on, mo ingun siya nga mayo ang iyahang pagdala sa iyang katungdanang gihuptan, apan matod niya, adunay mga nagtinguha usab nga mabalda ang maong hearing.
