Giklaro ni Director Dr. Teresito C. Bacolcol sa Philippine Institute of Volcanology and Seismology (PHIVOLCS) nga daghan ang natala nga mga aftershocks subay kay nagkadaghan na usab ang mga seismic stations sa nasud.
Matod pa, kung ikumpara kaniadto makatala lang ang Phivolcs og 5 to 10 aftershocks per day, apan karon muabot na sa 30 to 40 ka mga aftershocks ang ilang mamonitor sa mga seismic stations.
Subay niini, anaay kinatibuk-ang 125 ka mga seismic stations nga musukod og musuta kung aduna bay mga pagtay-og sa yuta.
Gani, gitataw ni Director Bacolcol nga kuwang pa kini og dugang 175 seismic stations aron mahimong 300 seismic stations.
Sa pagkakaron anaa na sa kapin 9000 ka aftershocks ang natala og nagkakunhod kini matag adlaw, ug lauman pa nga maabtan pa kini sa pipila pa ka mga buwan.
Samtang, ang kinakusgang aftershocks nga natala mao ang 5.1 kaniadtong Oktobre 3, 2025.
