Nagpagawas og advisory ang Philippine Institute of Volcanology and Seismology (Phivolcs) niadtong Miyerkules, Abril 22, 2026, mahitungod sa pagtaas sa seismic activity sa Bulusan Volcano.
Sumala sa Phivolcs, nakatala sila og 101 ka volcano-tectonic (VT) nga linog sukad alas 4:50 sa buntag niadtong adlawa, nga gipahinabo sa pagbuto sa mga bato sa ilawom sa bulkan 2.5 kilometros amihanan sa Bulusan.
Bisan tuod ang degassing activity gikan sa summit crater ug mga aktibong vent sa bulkan nagpabilin nga huyang ngadto sa kasarangan, ug ang sulfur dioxide emissions anaa sa 75 ka tonelada kada adlaw (base sa datos sa Abril 9), ang pagtaas sa earthquake activity mahimong magpakita sa mabaw nga hydrothermal processes nga mahimong hinungdan sa steam-driven o phreatic eruptions sa crater sa bulkan.
Tungod niini, gipataas sa Phivolcs ang Alert Level 1 o low-level unrest sa Bulusan, nga nagpasabot nga adunay posibilidad sa phreatic eruptions.
Gitambagan ang publiko nga mag-amping ug mangandam batok sa posibleng mga peligro sama sa pyroclastic density currents (PDCs), ballistic projectiles, rockfall, avalanches, ug ashfall nga mahimong masinati sa mga apektadong lugar.
