Gipildi sa Philippine men’s football team ang Team Timor Leste sa iskor nga 4-1 sa AFC Asian Cup Qualifiers nga gipahigayon sa Darwin, Australia.
Nahimong bayani sa duwa si Bjorn Kristensen sa kadaugan sa Pilipinas, nga nakaiskor og duha ka goals sa first half.
Pagsulod sa second half, nakaiskor siya og laing duha pa ka goals nga nagkumpleot sa iyang double brace.
Ang Timor Leste nagsilbi nga home team apan wala kiniy kaugalingong home filed nga kuwalipikado alang sa AFC, mao nga gihimo ang duwa sa Australia.
Sa kadaugan, ang Pilipinas maoy nagkupot sa bintaha sa Group A sa ikatulong hugna nga kwalipikasyon sa torneyo nga adunay pito ka puntos, duha ka daog ug usa ka tabla.
Ang sunod nga duwa sa Pilipinas kay sa umaabot Martes, Oktubre 14, nga ipahigayon sa New Clark City Stadium sa Capas, Tarlac.
