Milamoy og walo ka mga buhing baki ang usa ka Lola sa China aron sa daw maulian ang iyang nasinating “back pain”.
Sa bag-ohay lang nadala sa tambalanan ang maong lola human miangkon kini nga milamoy sa mga baki aron daw unta tambalan ang iyang “herniated spine disc” nga hinungdan sa iyang back pain.
Kung ang pipila makasinati sa pagpanakit sa ilang likod kay mutumar kini og mga painkillers, manghapas og ointment, o di ba kaha mubisita sa doktor apan si lola Zhang nga taga Hangzhou, Zhejiang province sa China midesider nga ang paglamoy og baki ang makapaulian kaniya.
Daw nadunggan ra kini niya nga istorya nga makapanumbalik sa kahimsog ang paglamoy sa baki nga nakuha niya pinaagi sa pagpanugo sa iyang mga pamilya sa pagpanakop og gagmayng baki.
Wala niya gipahibalo sa iyang pamilya nga iya diay kining lamyon diin nakakaun siya og lima sulod sa usa ka adlaw og laing tulo sa misunod hinungdan nga lain sakit sa tiyan ang iyang nasinati.
