Nangulo sa paglusad sa first ever Mobile-Kitchen sa Probinsiya sa Sugbo si Cebu Governor Pamela “Pam” Baricuatro gahapong adlawa, Oktubre 14, 2025 .
Ang Mobile Kitchen gisimbolo nga matang sa care, compassion, ug readiness nga sa dili madugay, ilusad ug sugdan na sa mga komunidad sa tibuok Sugbo.
Matod pa, gipanglatawan sa Gobernadora ang Sugbo nga walay usa sa mga Cebuano ang mag-gutom, busa, usa kini sa iyahang damgo ug panaad nga dugay na niyang gipasiugdahan pinaagi sa Simply Share Foundation.
Ang Mobile Kitchen sa Probinsya sa Sugbo gidesinyo sa pag-alagad sa mainit, masustansya nga mga pagkaon ug paspas nga pagtubag panahon sa mga katalagman — pagsiguro nga walay Sugbuanon nga gigutom o wala maatiman sa panahon sa panginahanglan.
Ang Mobile Kitchen sa Probinsya sa Sugbo gidesinyo ug nagtumong sa pag-alagad og mas masustansya nga mga pagkaon ug paspas nga pagtubag panahon sa mga katalagman, nga usab, nagsiguro nga walay Sugbuanon nga gigutom o wala maatiman sa panahon sa panginahanglan, ingun man matubag ang adlaw-adlaw nga panginahanglanon sa komunidad ug mga operasyon sa pagtubag sa emerhensya, pag-abot sa mga komunidad nga naigo sa katalagman ug paghatag og init, masustansya nga mga pagkaon sa mga apektado.
Samtang si Marirose Lopez ang pangu sa Provincial Social Welfare and Development Office (PSWDO) diin matod niya, kinin Mobile Kitchen sa Probinsya sa Sugbo naglihok og usa ka mahinungdanon ingun man importanteng papel nga naglangkob ug nagsiguro sa pangpahatag og immediate food assistance.
Subay niini, personal nga gihangyo ni Gobernador Baricuatro ngadto sa Provincial Disaster Risk Reduction and Management Office (PDRRMO) ug sa Office of the Provincial Administrator nga ilusad ang Mobile Kitchen, nga dumalahon sa Provincial Social Welfare and Development Office (PSWDO).
