Nipahigayon og coordination meeting on Deployment Plans ang Cebu City Police Office (CCPO) subay sa nagkaduol nga UNDAS 2025.
Ang panagtigom kay gipangiulohan ni Acting City Director PCol. Enrico Evangelista Figueroa kauban niini si PLt.Col Allan Madrid Rosario, Deputy City Director for Administration, sa pagpangulo sa sesyon.
Nitambong usab ang Quad Staff, Station Commanders, Force Commander sa CMFC, Traffic Enforcement Unit, nagkalain-laing CCPO units, Armed Forces of the Philippines, ug mga representante sa Cebu City Government.
Gitumong sa session nga masiguro ang komprehensibo nga pagplano ug nagpunting sa pagtapos sa mga estratehiya sa pagdeploy ug pagpalig-on sa inter-agency nga kolaborasyon aron masiguro ang luwas, hapsay, ug malinawon nga pag-obserbar sa UNDAS 2025.
Lakip sa gihisgutan ang Public safety measures ug crowd control protocols, pagdumala sa trapiko ug pagplano sa estratehikong ruta, ingon man dugang nga police visibility sa mga sementeryo ug importanteng mga pampublikong lugar; ug Joint operations sa mga local government units ug partner agencies.
Napaambit usab ni PCapt. Charisma Gonzales, ang tigpamaba sa CCPO nga gawas sa ilang 400 ngadto na sa 500 ka mga deployable PNP kay adunay mga moubag gikan sa mga nagkandaiyang ahensya sama sa Bureau of Fire Protection, force multipliers ug daghan pa.
Gihangyo usab niini ang katawhan lakip na ang mga turista nga magmatngon atol sa pagselebrar aron makab-ot gayud ang malinawon nga kalag-kalag.
Ingon man nga likayan usab ng pagpakatap og mga peke nga impormasyon hilabi na karon sa mga nasinati nga katalagman sa nasud partikular na ang Sugbo nga padayon gihapon nga gitay-og sa mga linog.
