Sulod sa subra 10 ka-tuig nga pagpanerbisyo, ang Kiwanis Club of Cebu nagpadayun gihapon sa ilahang tumong, diin mao ang paghatud og nagkalain-laing serbisyo sa nagkalain-laing dapit ug komunidad.
Mao kini ang gipaambit nila ni Marlene Durano Ferioli, ang bag-ong Presidente sa Kiwanis Club, Dr. Carlos Capitan II ang Governor-elect sa Kiwanis Club, ug ni Robert Alvarez, Lieutenant Governor sa Kiwanis Club of Cebu.
Atol sa ekslusibong pakighinabi sa Bombo Radyo Cebu team ngadto kanila, una nang nahisgutan ni ni Robert Alvarez, ang nahimong mahinungdanong kalihokan niini lakip na ang pag pang-apod-apod og hinabang sa mga residente didto sa Northern Cebu, kinsa labing naapektohan sa 6.9 magnitude nga linog.
Giangkon niya nga nahimong possible kato nga kalihokan nila tungos sa kolaborasyon nga walay puas.
Samtang subay usab sa ilahang programa ang pag-alagad og medikal nga hinabang sa mga katawhan, usa na niini mao ang pagpahigayon og libreng operasyon ngadto na sa mga bungi, ug mga inborn nga mga bata nga adunay hiwi nga tiil o sa bisan asang parte sa lawas.
Busa, sa paghatag kanila og bili kabahin sa hisgutanan sa panglawas, tibuok ug dako ang suporta nga gipadangat niini sa Bombo Radyo Cebu sa kalihokan niini nga “Dugong Bombo” usa ka blood donation nga ipahigayon sa SM City, Cebu anaa nahimutang sa Brgy. Mabolo ning dakbayan sa Sugbo, ug ipahigayon kini sunod na nga buwan, nga Nobyembre 15, 2025.
Sa pikas bahin, nagpaambit usab si Marlene Durano Ferioli, ang bag-ong Presidente sa Kiwanis Club nga usa sa iyang tumong ubos na sa bag-ong katungdanan niini mao ang paglikom og daghan nga pundo nga igong magsuporta sa misyon sa maog organisasyon.
Subay niini, nipadangat usab sa iyahang misyon si Dr. Carlos Capitan II ang Governor-elect sa Kiwanis Club, diin mao ang pag-abag ug pagtabang ilabi na ngadto sa mga bata ug ingun man sa komunidad.
Gitataw niini nga ilahang ikalipay nga sila makatabang sa daghang mga bata ug sa nagkalain-laing komunidad, busa buot pa nga mas palapdan ang ilahang membership aron daghan ang magtinbangay ug magtimbayayong aron matuman ang tumong ug gipanglantawan sa maong organisasyon.
Ang Kiwanis Club usa ka organisasyon nga nag-promote sa matang sa adoption ug application sa higher social business, ug professional standards; ug nagtuong sa pagpalambo sa intelligent, aggressive, ug serviceable citizenship.
Busa, sa kadtong mga suking tigpaminaw sa atong sibyaan, nag-awhag ang Kiwanis Club sa pagpartisipar sa ilahang kalihokan kay nagtumong kini sa kaayohan sa komunidad ug katawhan.
