Nagpahamtang ang Philippine Red Cross og dili mominus 79 ka tent sa Davao Oriental isip temporaryong puy-anan sa mga residente nga nagpabiling apektado sa 7.4 nga linog nga niigo niadtong Oktobre 10, 2025.
Matod sa PRC, sa maong ihap, 42 ang natukod sa Manay samtang 32 ang naa sa Tarragona area, nga nagsilbi nga luwas nga puy-anan sa mga residente nga nawad-an og puy-anan tungod sa doublet nga linog nga niigo sa rehiyon.
Gawas sa temporaryong puy-anan, ang PRC nihatag usab og daghang serbisyo sa mga apektadong residente sama sa food trucks, relief distributions, distribution sa limpyo nga tubig, ug uban pang batakang panginahanglan sa mga residente sa probinsiya.
Sa laing bahin, ang PRC nagpadayon sa pagsiguro nga ang tanan makadawat og igong pag-atiman ug tabang samtang sila nagpadayon sa pagpailalom sa rehabilitasyon.
