Managlahing lihok sa presyo sa produktong petrolyo, ipatuman karong adlawa

Ipatuman karong adlawa sa Martes, Oktubre 21 ang managlahing paglihok sa presyo sa produktong lana.

Gikatakda sa mga oil companies ang pagpasaka sa presyo sa gasolina sa P0.10 matag litro samtang laslasan sa P0.70 matag litro ang presyo sa diesel ug P0.60 matag litro sa kerosene.

Ang padayong pagsaka sa presyo sa gasolina kay nagtimaan na sa ikatulong sunod-sunod nga semana samtang ang laslas sa kerosene kay anaa sa ikaduhang sunod-sunod nga semana.

Ipatuman kini sa alas 6 sa buntag karong adlawa sa mga tigpatigayon sa produktong lana sa tibuok Pilipinas.