Magsugod na karong adlawa, Oktubre 22 ang gikahinam-hinam nga NBA 2025-2026 season.
Ang unang adlaw kay nagtakda sa panag-abot sa mga bigtime teams nga gikan sa western conference.
Unang magsangka ang 2025 NBA champion na Oklahoma City ug ang Houston Rockets.
Dayon sundan kini sa star-studded nga Los Angeles Lakers batok Golden State Warriors.
Subay sa schedule nga gipagawas sa liga, muhangtod sa Hunyo 2026 ang regular season diin tanang 30 ka teams ang makaduwa sa kapin 80 ka games.
Ingon man ang mid-season NBA Cup Tournament inig Oktubre 31 og matapos sa Disyembre 16.
Gitakda sab ang NBA Play-In Tournament sa Abril 14 hangtod 17 dayon sa Abril 18 ang sugod sa Playoffs.
Ipahigayon sab ang 2026 NBA All-Star break sa Pebrero 13 hangtod 15 sa Los Angeles, California.
Isip kabahin sa regular nga mga duwa karong tuiga, lain-laing mga team ang gikatakdang moduwa sa gawas sa nasud, lakip ang Germany, UK, ug Mexico.
