Gipasakahan sa Department of Finance (DOF) ang National Tax Allotment (NTA) niini sa mga local government units (LGUs) para mapakusog ang ilang Health, education, agriculture and environment, roads and infrastructure, technology and security and social protection (HEARTS) projects.
Kini ang gitaho sa ahensya diin matod pa nanukad ang bag-ong pagpasaka a nasudnong alote subay sa 2019 Mandanas-Garcia ruling sa Korte Suprema diin ang umento miabot na sa 40% gikan sa national taxes imbes lang sa mga nakolekta sa Bureau of Internal Revenue (BIR).
Nagpasabot kini sa mas dakong kapasidad sa mga LGUs sa pagpalambo sa pagdalit og gikinahanglang serbisyo sa ilang mga konsituwente ug ang pagpakusog sa pasaad sa gobyerno sa debolusyon ubos sa Local Government Code of 1991.
Ang DOF nagkanayon nga dul-an sa 43,634 ka mga probinsiya, siyudad, lungsod ug barangay ang nakadawat ug kinatibuk-ang P1.03-trilyones sa NTA karong tuiga nga mas taas ug 18.73% gikan sa miaging tuig nga P871.38-bilyones lamang.
