Gikonbikto na usab sa Sandiganbayan si Janet Lim-Napoles, ang gitawag nga “pork barrel scam queen,” kalabot sa sayop nga paggamit sa Priority Development Assistance Fund (PDAF).
Sa gipagawas nga desisyon, nakitang sad-an si Napoles sa Graft, duha ka ihap sa malversation sa public funds ug duha ka ihap sa falsification sa public documents.
Lakip sa mga nakonbikto mao ang presidente sa National Livelihood Development Corporation ug si Michael Benjamin, kanhi hepe sa political affairs ni kanhi Senador Gregorio ‘Gringo’ Honasan.
Ang kaso may kalabutan sa giingong pagbalhin sa pundo gikan sa PDAF ngadto sa peke nga mga NGO nga gipangulohan ni Napoles, baylo sa giingong kickbacks.
Kini usa sa nahibiling mga kaso nga may kalabutan sa dakong pork barrel scam nga nitay-og sa nasud niadtong 2010.
