Gideklarar sa gobyerno sa Indonesia ang kanhing presidente nga si Suharto nga usa ka nasudnong bayani, bisan pa sa kontrobersiya ug mga protesta bahin sa iyang mapig-oton nga pagmando.
Gitawag ni Indonesian President Prabowo Subianto niadtong Lunes, Nobyembre 10, ang kanhing umagad ni Suharto nga lakip ang kanhing diktador sa usa sa 10 ka bag-ong nakadawat sa National Hero Award.
Sumala sa gobyerno, giila si Suharto tungod sa iyang kontribusyon sa pagdepensa sa kagawasan niadtong 1945. Apan daghan ang nagkondenar sa lakang, lakip ang civil society groups ug Amnesty Indonesia, nga nag-ingon nga kini usa lamang ka pagbag-o sa pagpauswag sa imahe sa kanhing presidente.
Gibanabana nga kapin sa tunga sa milyon nga mga tawo ang namatay sa mga pagpatay nga nahitabo sa dihang gisakmit ni Suharto ang gahum niadtong 1965. Atol sa iyang kapin tulo ka dekada sa gahum (1967–1998), ang nasud nakasinati og paspas nga pagtubo sa ekonomiya apan gibayaran kini sa pagtorture, pagkawala, ug pagpugong sa mga kagawasan.
Bisan pa, siya gitawag nga “Bapak Pembangunan” o Amahan sa Kalamboan tungod sa 7% nga tinuig nga pagtubo sa ekonomiya sa iyang panahon.
Uban ni Suharto, ang mga kanhing presidente sama nila ni Abdurrahman Wahid (Gus Dur) ug ang aktibista sa mga mamumuo nga si Marsinah, parehong prominenteng kritiko sa iyang rehimen, gihatagan usab sa samang pasidungog nga usa ka lakang nga giisip sa uban nga usa ka pagtabon aron itago ang daotang reputasyon sa administrasyon.
Samtang, nagpadayon ang mga protesta sa Jakarta, samtang ang mga gobyerno nagpasidaan nga ang pag-ila kang Suharto mahimong makapukaw sa historical revisionism ubos sa kasamtangang gobyerno ni Prabowo.
