Kapin sa 200 ka mga biyahe paingon ug gikan sa kaulohan sa Indonesia nga Jakarta ang temporaryong gikansela ug nalangan gahapong adlawa, gisundan kini sa temporaryong pagsira sa Soekarno-Hatta International Airport human mibuto ang bulkan nga Anak Krakatau ug mibuga og baga nga abo, nga naka-stranded sa gibana-bana nga 23,000 ka mga biyahero.
Samtang, sumala sa geological agency sa Indonesia, ang bulkan nagpakita og mga timailhan sa kalihokan niadtong Sabado sa wala pa kini mibuto sa alas 3:53 sa buntag niadtong Domingo.
Ang abo nga gibuga sa bulkan nakaabot usab sa mga bahin sa Jakarta ug probinsya sa Lampung, apan ang mga lokal nga awtoridad wala’y natala nga bisan unsang mga kaswalti o kadaot.
Niadtong 2018, ang Anak Krakatau nakatala sa labing makadaot nga pagbuto niini sa modernong panahon. Kini hinungdan sa usa ka tsunami nga nakapatay sa 430 ka mga tawo.
