Nang-hawd sa preliminary competition sa 74th Miss Universe sa Impact Challenger Hall, Nonthaburi, Thailand si Miss Philippines Ahtisa Manalo niadtong Miyerkules sa gabii, Nobyembre 19, 2025.
Unang gipakita ni Manalo ang iyang National Costume nga mao ang “Festejada” nga nagtimaan sa taas nga tradisyon sa Pilipinas sa pagsaulog og mga kapistahan diin gidesinyo ni Mak Tumang, nga inila sab sa pag-desinyo sa tanyag nga 2018 “lava gown” ni Catriona Gray.
Isip “nation of festivals,” inspired sa tulo ka kapistahan ang national costume ni Manalo nga mao ang Giant Lantern Festival sa Pampanga, Pahiyas Festival sa Lucban, ug ang Panagbenga Festival sa Baguio City.
Ingon man sa swimsuit competition, gibida ni Manalo ang blazing-blue two-piece suit ng gikan sa koleksyon “Power of Love” sa Filipino label brand nga Bench isip official swimwear provider sa Miss Universe 2025.
Pagtungtong na sa Evening Gown segment, confident nga gisul-ob ni Manalo ang midnight-blue with gold pearls nga ginganlan og “Pinctada maxima” diin inspired kini sa “quiet power of the sea” South Sea pearl ang gipakita sa Pinay sa maong runway.
Ang umaabot nga Coronation Night sa Miss Universe 2025 kay mahitabo sa Biyernes, Nobyembre 21 sa susamang venue diin ipasa ni reigning queen Victoria Kjær Theilvig ang korono sa musunod nga Miss Universe.
