Gipanganlan na ang mga Miss Universe 2025 Continental Queens atol sa Coronation Party nga gipahigayon sa Grand Richmond Stylish Convention Hotel sa Thailand, human sa kontrobersyal nga mga resulta sa Miss Universe 2025 final competition niadtong Biyernes, Nobyembre 21.
Upat ka bag-ong Continental Queens ang giila nga morepresentar sa ilang tagsa-tagsa ka rehiyon.
Ania ang mga Miss Universe 2025 Continental Queens:
Africa & Oceania: Olivia Yacé (Côte d’Ivoire/Ivory Coast)
Europe & Middle East: Julia Cluett (Malta)
Asia: Zhao Na (China)
Americas: Stephany Abasali (Venezuela)
Daghang mga fans sa pageant ang nahibulong nganong wala napili si Miss Universe Philippines Ahtisa Manalo o Miss Universe Thailand Praveenar Singh isip Miss Universe Asia, ug unsa ang basehan sa pagpili sa Continental Queens.
Samtang, nakadawat si Ahtisa Manalo og dugang nga award human niya nakuha ang Miss Universe Philippines 2025 ang 3rd runner-up placement. Gihatagan siya og award isip Beyond the Crown Honoree.
Sa samang higayon, giila usab ang Pilipinas isip Best Local Pageant ubos sa pagpangulo ni Jonas Gaffud, ang Presidente ug CEO sa Miss Universe Philippines.
