“Sibling love is in the air”
Kini ang atmosphere sa bag-ohay lang nga post sa aktress nga si AJ Raval sa iyang social media account sa video sa mga anak nila ni Aljur Abrenica lakip na ang mga bata sa actor sa aktress sab nga si Kylie Padilla diin ang mga half-siblings kay malipayong nagduwa-duwa.
Adunay tulo ka mga bata sila AJ ug Aljur diin ang kinamanghuran kay pipila ka buwan palang ang panuigon.
Ingon man si Aljur kay adunay duha ka bata sab sa unang asawa niining si Kylie.
Gipadayag pa ni AJ nga malipayon kini sa iyang anak nga adunay mga kuya nga nagpangga kaniya.
Sa maong video, makita ang mga chikiting nga nagduwa sa garden samtang nagpasirit sa tubig sa garden hose.
Sa iyang bahin, mikomento si Kylies sa maong post nga matod pa “pagkanindot tan-awon sa mga bata.”
Napuno sa malipayong reaksyon sa mga netizens ang post ni AJ diin hangtod karon nakaani kini og liboan ka mga likes.
