Nag-isyu og arrest warrant ang South Bangkok Criminal Court para kang Anne Jakrajutatip, ang kanhi co-owner sa Miss Universe, human siya wala makatambong sa naka-eskedyul nga pagbasa sa iyang kaso sa giingong 30 million baht fraud case.
Sumala sa korte, ang kampo ni Jakrajutatip wala mohatag og bisan unsang katin-awan, mao nga gituohan nga siya nakalikay sa legal nga proseso.
Gikasuhan si Anne ug JKN Global Group sa giingong pagpangilad sa usa ka doktor aron mamuhunan sa mga corporate bonds nga giingong dili mabayran sa kompanya.
Tungod sa iyang kapakyas sa pagtambong, ang korte nagmando sa pagbawi sa piyansa ni Jakrajutatip ug nagtakda og bag-ong petsa alang sa iyang hukom sa Disyembre 26, 2025.
Samtang, migawas ang mga report nga si Jakrajutatip giingong miikyas ngadto sa Mexico aron malikayan ang mga obligasyon sa JKN Global Group.
Gihimakak sa JKN Global ang mga pasangil sa pagpangilad ug giinsistir nga ang mga problema sa utang sa kompanya gipahinabo sa paghinay sa ekonomiya sa nasud ug mga isyu sa cash flow.
Unang nahimong sentro sa atensyon ni Anne sa publiko human niya napalit ang Miss Universe Organization niadtong 2023, apan ni-resign isip CEO niadtong Hunyo samtang ang iyang kompanya naglisod sa reorganisasyon ug legal nga mga isyu.
