Gisaulog ni Miss Universe 2012 Olivia Culpo uban sa iyang bana nga si Christian McCaffrey ang iyang adlaw’ng natawhan pinaagi sa pag-anunsyo nga dakong regalo kaniya, mao ang ikaduha nilang umaabot nga anak.
Gipahibalo nila kini sa Instagram post atol sa ika-34 ka tuig nga adlaw’ng natawhan ni Culpo uban sa ilang hulagway samtang nag- picnic uban sa siyam ka buwan nilang anak nga si Colette, ug ilang iro nga si Oliver nga duna usa’y sonogram images diha sa picnic blanket.
Si Olivia Culpo usa ka american model, aktres, ug beauty queen ug sa wala pa siya nahimong Miss Universe, nakadaog usab siya sa Miss USA 2012 ug Miss Rhode Island USA 2012.
Human sa pageantry, misikat siya isip fashion influencer ug TV personality, ug nakatrabaho sa daghang fashion ug beauty brands ug nakarelasyon si NFL player Christian McCaffrey.
