Mihimo og dakong kalamboan sa iyang unang propesyonal nga away sa natad nga boksing sa Estados Unidos si Jimuel Pacquiao nga anak sa 8-division world champion nga si Manny Pacquiao.
Ang away nahitabo sa Pechanga Resort and Casino sa Temecula, California, batok ni Brendan Lally sa Chicago.
Natapos sa majority draw ang upat ka hugna nga away human sa score nga 39-37 para kang Pacquiao ug duha ka 38-38 gikan sa ubang mga hurado.
Samtang si Manny Pacquiao ug ang iyang asawa nga si Jinkee anaa sa ringside aron personal nga suportahan ang ilang kamagulangang anak.
Kabahin sa undercard sa kalihokan nga gi-host sa Manny Pacquiao Promotions ang away ni Jimuel, nga mao ang ilang unang higayon nga naggunit og boxing card sa Estados Unidos.
Bisan og medyo gikapoy siya sa ulahing bahin, si Jimuel nakabawi sa ikaupat nga hugna pinaagi sa kusog nga pagbayloay og mga kumo.
Tungod niini, ang iyang professional record nagsugod sa 0-0-1, samtang si Lally tabla usab sa iyang debut.
