Midesisyon ang Korte Suprema pinaagi sa “unanimous” nga pabor sa pagbalik sa P60 bilyon nga sobra nga subsidyo sa gobyerno ngadto sa Philippine Health Insurance Corporation (PhilHealth) pinaagi sa 2026 General Appropriations Act (GAA).
Ang kantidad kaniadto gibalhin ngadto sa nasudnong panudlanan. Ang binilyon nga dolyar kabahin sa P89.9 bilyon nga wala magamit nga pondo sa state-health insurer.
Gipasabot sa tigpamaba sa SC nga si Atty. Camille Ting nga base sa desisyon, ang desisyon ipatuman dayon.
Sa desisyon, permanente usab nga gidili sa SC ang pagbalhin sa nahabilin nga P29.9 bilyon.
Kahinumdoman nga ang PhilHealth kaniadto gimandoan nga ibalik ang P89.9 bilyon nga sobra nga pondo ngadto sa nasudnong panudlanan.
Sa miaging tuig, P60 bilyon ang gi-remit apan ang nahabilin nga P29.9 bilyon napugngan nga mabalhin ngadto sa nasudnong panudlanan human ang Korte Suprema nag-isyu og temporary restraining order.
