Moabot sa 11,460 ka pamilya ang na-ila nga naapektuhan sa kadaot nga gipahinabo sa Bagyong Wilma, kinsa gikonsiderang ika-23 nga bagyo nga misulod sa Philippine Area of Responsibility (PAR) karong tuiga.
Kini katumbas sa 28,850 gikan sa kinatibuk-an nga 63 ka mga barangay.
Base sa ika Disyembre-6 nga report sa Department of Social Welfare and Development (DSWD) Disaster Response Management, 125 ka pamilya nga gilangkuban sa 358 ka mga indibidwal ang gidala sa mga evacuation center.
Samtang moabot usab sa walo ka mga evacuation center ang giablihan, ug ang uban giandam na, alang sa posible nga mas dagkong mga evacuation.
Subay niini, ang Bicol Region, Eastern Visayas, Northern Mindanao, ug Caraga Region mao ang mga nag-unang lugar nga naapektuhan sa kadaot nga gipahinabo sa Bagyong Wilma.
Adunay kapin sa P2.13 bilyon nga kantidad sa pondo og mga kahinguhaan ang nagpabilin nga magamit alang sa mga biktima sa maong bagyo.
Kini gilangkoban sa kapin sa P2 bilyon nga kantidad sa food ug non-food items, ug dul-an P80 milyon nga quick response funds, ug ang ahensya usab nakahatag og hapit P800,000 nga kantidad sa humanitarian assistance sa mga apektadong residente.
