Naugdaw ang 40 ka mga panimalay human sa nahitabong sunog kagahapong adlawa Martes, Disyembre 09, sa Sitio All Season 3 Brgy. Cogon, Pardo, Cebu City.
Gikatahong nagsugod ang pag-ulbo sa kalayo sa panimalay sa usa ka residente nga si Anecito Pelones Jr, diin matud pa adunay mibuto nga wala mailhing butang og nakamugna og spark hinungdan nga mikatay na sa mga panimalay ang sunog.
Miabot sa 3rd alarm ang maong sunog, rason nga nakahatag kinig kalisod sa mga sakop sa kabomberohan aron mapalong ang kalayo, misuway usab og tabang ang mga risedente pinaagi sa pagsablig og tubig gamit ang mga balde, apan wala na gayud madala niini.
Gibana-banang 75 ka mga pamilya ang apektado o 225 ka indibidwal ang nawad-an sa panimalay.
Samtang, gihimakak usab ni Pelones, ang maong mga pasangil nga sa ilaha nagsugod ang pag-ulbo sa kalayo, nga nakaugdaw sa mga panimalay.
Samtang gisusi pa sa kabomberohan ang hinungdan niini.
Wala hinooy gikataho nga naangol o nakalas sa maong sunog.
