Lalaki’ng nakadaog og lottery jackpot, nagsul-ob og ‘scream’ costume aron dili mailhan sa pamilya

Nipili og talagsaong paagi ang usa ka lalaki gikan sa Jamaica, sa dihang iyang nahibaw-an nga nakadaog siya sa jackpot sa lotto, diin nagsul-ob og kompletong “Scream” nga costume nga kompleto sa maskara, puti nga bisti, ug gwantes, ug iyang gikuha ang iyang mga daog nga gibana-bana nga 158 milyon nga dolyar sa Jamaica.

Matod sa maong swerting mananaog, dili siya gusto nga ilhon sa iyang pamilya, hinungdan nga nisuot siya ato nga klase sa pamisti.

Dugang impormasyon, sa nasud nga Jamaica, kasagaran sa mga mananaog sa lotto nga magtakuban aron malikayan nga mahimong target sa krimen o mag-atubang sa pressure gikan sa mga paryente.