Gipanghimakak ni Navotas lone district Rep. Toby Tiangco nga adunay mga “insertion” sa gisugyot nga 2026 infrastructure budget sa iyang distrito.
Gihimo sa magbabalaod ang pagklaro atol sa iyang privilege speech sa plenaryo sa House of Representatives niadtong Martes, Disyembre 16.
Giinsistir ni Tiangco nga ang P748 milyon nga pagtaas sa pondo sa distrito usa lamang ka pagbalik sa dili husto nga pagputol sa pondo.
Miingon siya nga imposible alang kaniya nga adunay insertion tungod kay dili siya miyembro sa Committee on Appropriations.
Gipasabot usab niya nga ang husto nga basehan sa pagtaas sa pondo mao ang gipahiuli sa NEP, dili ang House General Appropriations Bill, ug miingon nga ang Navotas unta nakadawat og P1.41 bilyon nga gipahiuli sa NEP, apan gikan sa P1.48 bilyon nga kakulangon, P748 milyon ra ang nabalik.
