Gikatakdang makadawat ang mga kawani sa Kapitolyo sa Probinsiya sa Sugbo og bonus nga mokabat sa ₱55,000, subay sa kumpirmasyon ni Assistant Provincial Administrator Aldwin Empaces karong Biyernes, Disyembre 19, 2025.
Matod ni Empaces nga ang pag-release sa mga bonus giseguro human ang provincial government mituman ug nakapasar sa tanang kinahanglanon nga gitakda sa Civil Service Commission (CSC).
Ubos sa gisugyot nga alokasyon, ang mga regular ug kaswal nga empleyado makadawat ug kinatibuk-ang ₱30,000 nga bonus, ₱20,000 ubos sa Service Recognition Incentive (SRI), ug ₱5,000 isip Performance-Based Incentive (PBI), nga niabot og sa kinatibuk-an nga ₱55,000.
Samtang, ang mga job order employees nakatakdang makadawat og ₱15,000 nga bonus.
Ang gisugyot nga supplemental budget alang sa mga bonus gikatakdang kuhaon atol sa final session sa Sangguniang Panlalawigan karong Lunes, Disyembre 22, 2025.
