Gikabutyag ni Aldwin Empaces, ang Assistant Provincial Administrator, nga alas 9:00 gabii, Abril 6, basi sa situational report sa mga affected areas sa magnitude 5.1 nga linog nga miigo sa Amihanang bahin sa Sugbo, ang syudad sa Bogo ug Lungsod sa Medellin ang adunay mga kadaot nga resulta sa maong linog.
Dugang ni Empaces, sa karon, maayo ra ang kahimtang sa ubang areas nga naapektohan niadtong milabayng 6.9 magnitude nga linog niadtong Seytembre 30, 2025.
Mao kini ang nahimong pamahayag ni Empaces atol sa eksklusibong pakighinabi sa Bombo Radyo Cebu newsteam kaniya, diin iyaha usab nga giklaro nga ang ang Sogod Hospital ug Bogo City Provincial Hospital, operational na sa kasamtangan.
Gani, matod pa niya, karong adlawa, Abril 7, gipahamtang na ang mga engineers sa mga naasoyng dapit aron na sa pag-check sa edipisyo aron hingpit na fully-operational kini.
Samtang nagbutang napud og mga tents para temporaryong ma istaran sa mga pasyente, ug kini subay sa protocol.
Samtang, gitataw ni Empaces nga basi sa taho sa Disaster Risk Reduction and Management Office, good for operational na ang mga hospital sa Amihanang bahin sa Sugbo ilabi na ang hospital sa Bogo.
Dugang niini, basi sa ilahang assessment usab, anaa ray koneksyon ug klarong suplay sa tubig ug kurente sa maong dapit.
Subay niini, gihimug-atan ug giklaro ni Empaces nga ubos sa liderato ni Cebu Governor Pamela Baricuatro sa Kapitolyo, episyente na ang panudlanan sa Probinsya sa Sugbo ugaling adunay mga katalagmang motumaw.
Diin, aduna nay klaro nga mekanismo inubanan sa DWSD kabahin sa mga hinabang nga matanyag, ug ingun man ang Distaster Management Office sa kasamtangan kompleto na sa mga ekipo, ekspyirto, mga personahe ug command centers.
Busa alang kang Empaces, sa anaa na sa 8-10 gumikan adunay trabahoon pa usab kabahin sa mga disposition.
