Gibutyag ni Kenry Licayan ang tinun-an sa University of the Philippines-Cebu, nga nakakab-ot sa ikaduhang puwesto sa Licensed Professional Teacher Examination nga inspirasyon niini ang iyang mga ginikanan sa iyang mga paningkamot taliwala sa mga gisagubang niini sa kinabuhi.
Dugang pa ni Licayan, nga nakasinati usab kini og kalisod hilabi na sa pag-review, gumikan kay nagdungan ang iyang pagtoun ug ang pagkasakit sa iyang amahan.
Matud ni Licayan nga dili gayud pagtudlo ang iyang unang natad nga gisudlan, apan mibutyag kini nga kaniadto usa usab siya ka BA Communication student og nakasinati na usab og pagsulod sa media industry, print media lakip na ang sales.
Apan sigon niini, wala gayud niya mabati ang maong natad hinungdan nga misulod siya sa natad sa pagtudlo og gikalipay nga nahimong Top 2 sa nahisgutang examination.
Gihimug-atan usab ni Licayan nga di gayud malikayan ang kalisod og mga hagit sa kinabuhi apan, ang makanunayong pagkugi og pagsalig sa Ginoo nga anaa ra gyuy mo tabang ang labing mahinungdanon.
Dugang usab niini nga wala ray mawala kong motuo ka sa mga tou-tou sa pagbisita ug nagka lain-laing simbahan og pag-adto sa Simala basta inubanan sa paningkamot og pagsalig sa kaugalingon ang labing mo labaw.
