Namatay ang 16 ka indibidwal ang ug 18 ang nasamdan sa usa ka makalilisang nga aksidente sa bus sa Indonesia human kini nabangga sa usa ka concrete barrier sa isla sa Java sayong kaadlawon sa Lunes, Disyembre 22.
Sumala sa mga awtoridad, ang bus padulong sa siyudad sa Yogyakarta gikan sa kaulohan, ang Jakarta, sa dihang nahitabo ang aksidente sa kurbadong exit sa Krapyak toll road., ug ang inisyal nga imbestigasyon nagbutyag nga ang bus milapas sa curve samtang kusog ang dagan, hinungdan nga ang drayber nawad-an sa kontrol ug kusog nga nabangga sa konkretong babag.
Ang kusog sa impact hinungdan nga daghang mga pasahero ang nalagpot gikan sa sakyanan ug natanggong sa sulod sa naguba nga bus, ug ang unom ka pasahero ang gideklarar nga patay diha-diha dayon, samtang napulo ang gidala sa lainlaing mga ospital apan sa ulahi namatay sa ilang naaning mga samad, samtang ang 18 nga nasamdan padayon nga gitambalan, ang uban kanila anaa sa kritikal nga kondisyon.
Sumala ni Budiono, hepe sa search and rescue team, pipila ka minuto ang milabay una pa nakaabot ang mga pulis ug rescue personnel sa lugar, dayun naghimo dayon sila og rescue operation ug naghatag og first aid sa mga biktima, apan wala’y nahimo alang sa mga pasahero nga namatay sa lugar sa insidente.
Samtang, ang drayber sa bus nagpaayo pa sa ospital human nakaangkon og grabe nga mga samad. Ang mga awtoridad miingon nga siya ipaubos sa drug test ug hugtanong imbestigasyon aron mahibal-an kung adunay paglapas sa speed limit, kapabayaan, o uban pang mga hinungdan nga hinungdan sa aksidente.
