Maayong panahon nga makasinati lang og mga pagdag-um og gagmayng pag-uwan o pagtaligsik ang kahimtang sa panahon sa Sugbo karong disperas sa adlaw sa Pasko, Disyembre 24, 2025.
Kini ang gipamahayag ni Ret. Engr. Oscar Tabada, ang kanhi Director sa PAG-ASA Visayas atol sa eksklusibong pakighinabi niini sa Bombo Radyo Cebu News Team diin sumala pa niini nga makasinati lang sa gagmayng pag-uwan o pagtaligsik ang dakong bahin sa Sugbo sa dayong hapon ug gabii nunot lang sa Localized Thunderstorms diin ang tsansa sa pag-uwan anaa lang sa 15%.
Saysay pa ni Tabada nga walay namatyagan ang laing sistema sa panahon ang makapahinabo og pag-uwan hinungdan nga maayong panahon ang gipanglantawan.
Gani ugmang sa adlaw nagyud sa Pasko, Disyembre 25, kay makasinati og gagmayng pag-uwan ang masinati diin ang anaa sa 40% tsansa sa pag-uwan.
Dugang pa ni Tabada nga maklaro ra ang mga fireworks display unyang gabii sa pagsugat sa takna alas 12 sa tungang gabii nga usa a mga gikahinaman sa mga Pilipino matag Pasko.
Gilauman sab sa opisyal nga posibleng wala nay laing bati nga sistema sa panahon ang paabuton sama sa Low Pressure Area o Bagyo hangtod na sa paglabayng sa bag-ong tuig 2026.
