Giawhag sa Cebu City Anti-Mendicancy Office (CCAMO) ang mga content creators nga dili himuong karakter sa ilang vlogging ang mga libud-suroy o street dwellers sa kadalanan sa syudad.
Kini ang gipamahayag ni John Ryan Lumayag, ang Executive Director sa CCAMO sa eksklusibong pakighinabi niini sa Bombo Radyo Cebu News Team diin gisaysay niini ang ang ilang panawagan naggikan sa usa ka vlogger nga nang apod og kapin P5,000 sa maong mga midumog nga mga street dwellers kaniya nga giisip niini nga paghatag og pinaskuhan.
Apan giklaro sa opisyal nga kini nga lihok kay klaro paglapas sa Anti-Mendicancy Ordinance nga nagtinguha sa pagputol sa pagpanghatag og kwarta o bisag unsa nga hinabang sa mga libud-suroy sa ilang pagpuyo sa kadalanan nga risgo sa ilang kaluwasan.
Dugang pa niini nga ang mga libud-suroy kay nasuta na sa CCAMO nga mga nagbalik-balik ug kapila na nga na rescue gani nakapanghimulos na kini sa programa nila sa sheltered home ug livelihood training apan mubiya kini nga para ra unta makabarog sila sa ilang kaugalingon sa panginahanglan sa matag adlaw.
Malaumong mipahimangno ang CCAMO nga kung ganahan muhatag og kaayuhan sa mga isig kalungsod nga naglisod kay mas maayong ipaagi kini sa ahensya sa kagamhanan o mga non-profit oranization aron sa hapsay nga pang-apod-apod nga wala nakalapas sa Anti-Mendicancy Ordinance sa syudad.
Ang CCAMO kay padayon sa ilang 24-oras nga operasyon bisan pa sa holidays sa umaabot nga adlaw hangtod sa adlaw sa bag-ong tuig.
