Magpahigayon og Send-off Ceremony ang Cebu City Police Office (CCPO) sa mga sakop niining madestino sa Sinulog 2026 security deployment karong adlaw sa Lunes, Enero 5, 2026.
Kini ang gikumpirmar ni Police Lt Col. Joe Los Baños , ang tigpamaba sa CCPO sa eksklusibong pakighinabi niini sa Bombo Radyo Cebu News Team.
Kun diin ang deployment sa CCPO kay nagtumbok sa tanang kalihukan may labot na sa kapistahan sa Fiesta Señor karogn tuiga sa nagkadaiyang bahin sa dakbayan susama sa Basilica Minore del Santo Niño de Cebu ug Cebu City Sports Center (CCSC).
Dugang pa sa opisyal nga coordinated napud sila pinaagi sa padayong mga panagpulong sa mga organizers sa mga nagkadaiyang kalihukan diin kada adlaw aduna nay mga kapulisan ang naka-schedule para sa safety and security detail para sa publiko.
Gihinaot sa kapulisan sa dakbayan nga magpabiling alerto matag higayon sa mulakaw sa mga kalihukan sa Sinulog aron malikayan ang mga kakulian sa mga kriminalidad ug risgo sa kaluwasan.
