Spain, nagdeklara og 3 ka adlaw nga pagbangotan human sa makamatay nga bangga sa tren

Nagdeklara og tulo ka adlaw nga pagbangotan si Prime Minister Pedro Sánchez sa Spain human sa usa ka makamatay nga bangga tali sa duha ka high-speed nga tren.

Ang insidente nakapatay og 40 ka tawo.

Gitawag kini sa mga awtoridad nga pinakagrabe nga aksidente sa tren sulod sa mga dekada.

Nahitabo ang aksidente pipila ka oras human ang tren nagbiyahe gikan sa Malaga paingon sa Madrid.

Ang inisyal nga mga imbestigasyon nagsugyot nga ang usa ka tren nadiskaril ug nabangga sa lain.

Sa pagkakaron, ang mga awtoridad naglunsad og usa ka hugot nga imbestigasyon sa aksidente.