Misaka na sa labing menos 72 ang ihap sa mga namatay gikan sa daghang pagdagsa sa mga migrante gikan sa Morocco ngadto sa Spanish enclave sa Ceuta, samtang lima ka mga patayng lawas ang nakit-an sa baybayon sa North Africa, matod sa mga opisyal.
Ang gidaghanon sa mga namatay mas taas kay sa gipahibalo sa mga awtoridad sa Morocco niadtong Domingo.
Matud sa mga awtoridad sa Espanya nga kapin sa 50,000 ka mga tawo ang mitabok sa Ceuta pinaagi sa yuta ug dagat sa usa ka wala pa sukad nga pagdagsa nga nagsugod niadtong Huwebes sa usa sa duha lamang ka land borders sa European Union sa Africa, nga nagpahinabog kabalaka sa tibuok bloc. Kapin sa 48,000 ang mibalik sa Morocco sulod sa 48 oras ug daghan pa ang mibalik niini sa katapusan sa semana.
Una usab niini nga gipahibali nga gibasol sa ministeryo ang pagdagsa sa mga migrante sa sayop nga impormasyon sa social media, mga network sa human trafficking ug sayop nga interpretasyon sa usa ka desisyon sa Espanya nga nagdili sa diha-diha nga pagbalik sa mga migranteng na-intercept sa dagat. Kana nga pahayag susama sa mga komento sa Spanish Foreign Ministry bahin sa butang.
Gitakda sa mga awtoridad sa Morocco ang gidaghanon sa mga nalambigit sa pagtabok sa 40,000, mas ubos kaysa sa numero nga gigamit sa mga opisyal sa Espanya, nga midugang nga 1,135 ang gipugngan sa pagsulod sa Melilla, laing enclave sa Espanya.
Gisubli sa pahayag nga ang Morocco komitado sa pagbatok sa ilegal nga paglalin ug nanawagan nga ang palas-anon sa pagdumala sa paglalin ipaambit.
