11 patay tungod sa panagbangga sa mga sakyanan sa Bulgaria

Patay ang labing menos 11 ka tawo human sa nahitabong panagbangga sa mga daghang sakyanan sa Bulgaria.

Nahitabo ang insidente sa Trakia motorway duol sa Zinnistsa sa habagatan-sidlakang bahin sa Bulgaria, diin labing menos 20 ka sakyanan ang nagkabanggaay.

Matod ni Prime Minister Rumen Radev, posibleng tungod sa baga nga gabon ug danlog nga kalsada ang hinungdan nga nagkarambol ang mga sakyanan.

Anaa usab sa 50 ka tawo ang naangol sa aksidente ug daling gidala ngadto sa nagkalain-laing mga ospital.

Tungod sa maong insidente, gipamubo ni European Commission President Ursula von der Leyen ang gidugayon sa iyang pagbisita sa nasod.

Nagpadayag usab siya sa iyang pahasubo ngadto sa mga pamilya sa mga biktima nga nawad-an sa ilang kinabuhi.