Gipasalig sa Philippine Coast Guard (PCG) ang hugot nga seguridad para sa Malampaya East-1 human sa nadiskobrehan nga natural gas sa West Philippine Sea.
Sumala sa tigpamaba sa PCG para sa West Philippine Sea nga si Commodore Jay Tarriela, ang Coast Guard magpadala sa mga asset niini lakip ang 97-metros ug 44-metros nga mga barko ingon man mga eroplano aron mapanalipdan ang bag-ong nadiskobrehan nga lugar diin adunay daghang deposito sa maong gas sa pakigtambayayong sa Armed Forces of the Philippines (AFP), Department of Energy (DOE) ug Philippine National Oil Company.
Miingon siya nga ang PCG mas proaktibo ug i-realign ang mga barko niini aron mag-focus sa pagbantay sa Malampaya, subay sa direktiba ni PCG Commandant Admiral Ronnie Gil Gavan nga kini ang ilang labing prayoridad.
Gipasiugda usab ni Tarriela nga bisan pa sa agresibo nga mga aksyon sa mga barko sa China sa lugar, ilang panalipdan ang bag-ong nadiskobrehan nga natural gas.
Niadtong miaging Lunes, sa dihang gipahibalo ni Presidente Ferdinand Marcos Jr. ang makasaysayanong nadiskobrehan nga natural gas sa Malampaya East-1, nga mahimong dugang nga makadugang sa suplay sa gas sa nasud.
