Gipasalig sa pamunoan sa Department of Health nga ang Pilipinas andam na alang sa sakit nga Nipah virus tungod kay dili kini bag-o sa nasud.
Sumala sa tigpamaba sa DOH nga si Assistant Secretary Albert Domingo, ang unang kaso sa virus natala niadtong 2014 sa Sultan Kudarat diin 17 ka kaso ang gikataho.
Gipasabot sa opisyal nga lakip sa mga sintomas sa virus mao ang trangkaso, paghubag sa utok ug meningitis.
Dugang niini nga kini makuha usab gikan sa pagkaon og karne sa kabayo ug pakig-uban sa mga indibidwal nga adunay Nipah virus.
Ingon man nga sukad sa 2014, ang Epidemiology Bureau padayon nga nagmonitor sa maong virus ug wala’y natala nga mga kaso sa sakit sukad nidtong tuiga.
Ang World Health Organization miingon nga ang NiV usa ka zoonotic virus nga mahimong makuha o mapasa pinaagi sa kontaminado nga pagkaon ug mga indibidwal.
Gireport usab niini nga daghang mga klase sa kabog nga makita sa nasud ang nameligro nga mataptan sa maong virus.
