Motestigo sa usa ka imbestigasyon sa US House sila si Bill ug Hillary Clinton bahin sa namatay nga sex offender nga si Jeffrey Epstein, matod sa tigpamaba sa kanhi presidente, nga nag-una sa posibleng boto aron i-contempt ang magtiayon.
Sa sinugdanan, nagdumili sila sa pag-atubang sa mga magbabalaod nga nagsusi kung giunsa pagdumala sa mga awtoridad ang mga naunang imbestigasyon sa gipakaulawan nga financier, kinsa adunay koneksyon ug komunikasyon sa mga elite sa negosyo ug politika sa kalibutan.
Ang House Rules Committee adunay mga resolusyon nga nag-akusar sa mga Clinton sa pagsupak sa subpoena ug sa paglikay sa personal nga pagtambong aron ipasabut ang ilang koneksyon kang Epstein, kinsa namatay sa kustodiya niadtong 2019.
Mibutyag usab ang mga democratics nga ang imbestigasyon gigamit aron atakehon ang mga kaatbang sa politika ni Presidente Donald Trump, siya mismo usa ka dugay nang kauban ni Epstein nga wala gitawag aron motestigo, inay nga maghimo og lehitimong pagsusi.
Kahinumdoman nga migahin og pipila ka buwan si Trump aron sa pagbabag sa pagbutyag sa mga investigative files nga nalambigit kang Epstein, kinsa naglihok sa mga elite nga sirkulo sulod sa mga katuigan ug nagpalambo sa relasyon sa mga bilyonaryo, politiko, akademiko, ug mga celebrity.
