CEBU CITY- Ipatuman sa Kagamhanang Dakbayan sa Sugbo ang “internal-based” system sa koleksyon sa basura sa syudad nga nagpasabot nga dili na kada adlaw mangolekta ang mga garbage trucks sa mga basura sa mga residente ug tigpatigayon.
Kini human sa pagsirado sa Binaliw landfill human sa makalilisang nga landslide incident niini niadtong Enero 8 nga nag-aghat sa dakbayan nga makig-alayon sa pribadong sanitary landfill sa Barangay Polog sa lungsod sa Consolacion sa limitadong kapasidad.
Sa kasamtangan ang dakbayan sa Sugbo makamugna og kaping 400 ka tonelada sa basura kada adlaw apang ang landfill sa Consolacion kay nagtugot lang sa 150 ka tonelada nga malabay kada adlaw. Hinungdan nga adunay dakong bahin sa basura ang dili dayon ma-dispose tungod sa gilatag nga daily limit nga makaapektar sa mga lokalidad sa syudad.
Ubos sa bag-ong sisteama kay ang mga truck sa basura kay adunay rotating schedule kasagaran magtuman sa Monday-Wednesday-Friday o Tuesday-Thursday-Saturday scheme.
Gani aduna sab dugang regulasyon ipatuman diin sa mga bukirang barangay kay limitado sa tag-duha ka koleksyon sa usa ka semana ingon man ang ilang mga basurang malatang kay gitaganan ilabay sa ilang kaugalingong tugkaran. Ingon man nga ang mga barangay sa syudad duol sa downtown kay kay mag-atubang og “standby” periods sa dili pa matugutan silang makalabay sa landfill.
Isip inisyatiba sa pagpaminus sa basura sa syudad, striktong ipatuman sa dakbayan ang waste segregation diin ang mga susamang klase sa basura kay lukaton sa nakadestinong truck sa dili pa ang pagpanukot.
Sa pagkakaron, ang kasabutan sa dakbayan tali sa landfill sa Consolacion kay mulungtad hangtod sa buwan sa Marso busa gipangandaman karon sa kagamhanan ang pagpangita og mas malungtarong solusyon.
