CEBU CITY- Gipahamtangan og silot nga 90-ka adlaw nga preventive suspension ug posibelng lifetime ban sa pagmaneho sa Land Transportation Office – Central Visayas (LTO-7) ang drayber nga suspek sa nahitabong hit-and-run accident sulod sa Maria Luisa Village sa Barangay Banilad ning dakbayan sa Sugbo nga nakapatay og kinabuhi sa 23-anyos nga negosyante.
Sa pamahayag ng giluwat sa ahensya, miisyu kini sila og show cause order batok kang Sean Andrew Pajarillo, 21-anyos human sa aksidente sa gimanehong sakyanan niini niadtong Pebrero 8 sa gabii nga hinungdan sa kamatayon ni Kingston Ralph Ko Cheng human niya ligsi ug gibiyaan ang biktima.
Sa maong kamaduan sa LTO-7, nasuta nga si Pajarillo kay mag-atubang sa posibleng kalapasan sa Section 48 (reckless driving) sa RA 4136 kun Land Transportation and Traffic Code of the Philippines. Ang buhatan mihukom nga dili haom makapanag-iya og driver’s license ang suspek tungod sa panghitabo.
Sa nahitabong press statement sa LTO-7, ilang nasuta nga si Pajarillo nagmaneho ubos sa impluwensya sa ilimnong makahubog o ginadiling droga sa kalapasan sa RA 10586 o Anti-Drunk and Drugged Driving Act of 2013 of the Philippines.
Ang desisyon sa LTO-7 kay misukwahi sa unang gipadayag sa Ceu City Police Office (CCPO) nga ang nakuhang medical findings kay nag-negatibo sa alcohol level nag suspek sa trahedya subay sa record sa tambalanan.
Kasamtangang naka hospital arrest si Pajarillo ingon man sa mga atubangong kaso niini sa reckless imprudence resulting in homicide ug damage to property.
