Nagpakatap og dul-an 3,400 ka mga personahe ang Police Regional Office – Central Visayas (PRO-7) sa rehiyon aron sigurohon ang mga panagtapok sa publiko ug mga key areas kay hapsay atol sa maong mga kalihokan.
Nakapwesto ang kapulisan sa ilang mga sakop sa ilang mga nasuta nga katapukan sa mga tawo sama sa mga public plazas, halapad nga kadalanan aron sa pagpatuman sa region-wide preventive security operations.
Ang direktiba kay nanukad mismo gikan sa kaulohan sa Philippine National Police sa tahas nga sigurohon ang kaluwasan sa publiko samtang nagtimaan ang nasud sa mga dagkong kalihukan ilabi na adunay mga demonstrasyon nga pagabuhaton.
Giklaro sab sa PRO-7 nga mag-obserbar sila sa maximum tolerance ug propesyonalismo ug gilauman ang ilang mga sakop sa pagpabilin nga neutral ug disiplinado samtang anaa sa deployment.
Sa habig sab sa Cebu City Police Office (CCPO), gipamahayag ni Spokesperson Police LtCol. Jose Los Baños ang ilang panghinaot nga magmalinawon ang mga kalihukan nga ipahidayon sa syudad subay sa kasaulogan sa ika-40 EDSA People Power Revolution.
Nagtagana pud kini sila go duha ka platoon sa kapulisan sa reactionary force aron maoy ideploy sa mga mass demonstrations ug ingon man nga naka heightened alert sila sa tibuok kalihukan.
Pagpasabot nalang sa kapulisan sa mga musalmot sa mga kalihukan sa pag-martsa ug panagtapok nga hapsay lang ang pagpadayag sa lihok-protesta aron nga magmalinawn ang seguridad og kaluwasan sa tanan.
