Nagpadala na og notisya ang House Committee on Justice sa mga miyembro niini bahin sa pagsugod sa inisyal nga deliberasyon sa upat ka verified impeachment complaints batok kang Bise Presidente Sara Duterte.
Ang 3 ka notisya nga gipaambit ni ACT Teachers Party-list Representative Antonio Tinio kay naglatid sa agenda alang sa tulo ka adlaw nga deliberasyon gikan sa Lunes, Marso 2 hangtod Miyerkules, Marso 4 sugod sa alas-10 sa buntag.
Sa unang adlaw sa deliberasyon, ipahigayon ang initial consideration sa upat ka mga reklamo sa impeachment batok sa Bise Presidente.
Lakip ang unang reklamo sa impeachment nga gisang-at ni France Castro et al nga gi-endorso ni Representatives Tinio, Sara Elago ug Renee Co.
Ang ikaduhang reklamo nga gisang-at ni Francis Dee et al nga gi-endorso ni Representatives Percival Cendaña ug Leila de Lima.
Ang ikatulong reklamo sa impeachment nga gisang-at ni Rev. Fr. Joel Sabalia et al nga gi-endorso ni Rep. Leila de Lima ug ang ikaupat nga reklamo sa impeachment nga gisang-at ni Atty. Nathaniel Cabrera et al nga gi-endorso ni Reps. Bienvenido Abante Jr. ug Paolo Ortega V.
