Gikabutyag ni Elvie Pregua, ang Bombo International News Correspondent sa Israel, kinsa anaa nahimutang karon sa Tel Aviv, Isreael, nga adunay mga higayon nga mo minus-minus ang nga pagbuto nga ilang nadungong, gumikan kay ang gipunting na sa niini mao ang South nga bahin sa Iran.
Mao kini ang giasoy ni Pregua atoll sa eksklusibong pakighinabi sa Bombo Radyo Cebu team kaniya, subay na sa Major Combat Operations sa US ug Israel ngadto sa Iran.
Diin, lakip sa iyang naasoy nga niadtong milabay nga adlaw, adunay pahibalo ang Israel Defense Forces (IDF) nga mo atake gahapong adlawa sa buntag, Pebrero 28, ang Estados Unidos ug Israel ngadto sa Iran.
Subay niini, gipaambit usab ni Pregua nga permamenting nipahimangno ang Israel Defense Forces (IDF) nga magbinantayon sa matag gadgets nga anaa nila gumikan kay maghatag kini og alert 10 minutos sa dili pa ang opisyal nga pagbuto, ug gamiton katong orasa para mobakwit sila sa mga gitaganang bomb shelters.
Sa pikas bahin, ekslusibo usab nga nahinabi sa Bombo Radyo Cebu si Jeanette Gallego ang BINC sa Bahrain, diin iyang gikabutyag nga basi sa gipahibalo sa ministro sa maong nasud, under control na ang sitwasyon.
Apan, iyang gitataw nga interval lang og dili mominus 40 minutos, adunay pagbuto na usab ang motumaw, hinungdan nga nagpabilin silang tensyonado.
