Moapil ang kapin sa 1,000 ka mga Japanese military personnel sa gikatakdang Balikatan Exercises karong tuiga.
Kini ang gipaambit ni Armed Forces of the Philippines (AFP) Deputy Chief of Staff for Plans MGen. Rommel Cordova nga ang simulation karong tuiga usa sa pinakadakong military exercises sa kasaysayan sa Balikatan, diin dili lang ang mga pwersa sa Pilipinas ug US ang moapil sa tibuok ehersisyo.
Gawas sa mga sundalong Hapones, gatusan ka mga sundalo nga gikan sa Australia, Canada, New Zealand, ug France ang samosalmot usab sa kalihokan.
Ingon man nga ang partisipasyon kay molungtad hangtod sa 18 ka ubang mga nasud ubos sa Balikatan International Observers Program nga gi-finalize usab.
Sa pagkakaron, ang mga pagpangandam nagpadayon karon samtang nagkaduol ang military simulation, nga gikatakda nga ipahigayon gikan Abril hangtod Mayo 2026.
Sa pagbalik-lantaw sa Balikatan sa 2025, hangtod sa 14,000 ka mga sundalo gikan sa Pilipinas, US, Australia, ug Japan, ang miapil sa serye sa mga ehersisyo.
Kini ang unang higayon nga ang Japan moapil sa usa ka dako nga simulation human sa pagpirma sa Reciprocal Access Agreement (RAA) nga nagtugot sa dugang kooperasyon militar tali niini ug sa Pilipinas.
