Gibombahan sa US military ang Kharg Island sa Iran, sumala ni US President Donald Trump.
Hinuon, giklaro ni Trump nga dili nila target ang oil infrastructure.
Gipahibalo usab ni Trump nga ang matag target sa militar sa isla hingpit nga naguba.
Naghulga usab si Trump nga atakehon ang imprastraktura sa lana sa Iran kung ang Iran magpadayon sa pagbabag sa mga barko nga moagi sa Strait of Hormuz.
Ang isla usa ka kritikal nga linya sa ekonomiya alang sa Iran, diin 90 porsyento sa mga eksport sa lana sa Iran ang moagi.
Sumala sa usa ka news agency nga kauban sa Islamic Revolution Guards Corps, kapin sa 15 ka pagbuto ang nadungog sa isla atol sa pag-atake sa Amerika.
Matud pa nga ang giingong gitarget kay ang air defense, naval base, airport control tower ug usa ka helicopter hangar sa naasoy nga isla.
Ingon man nga basi sa Iranian state media, gikatahong walay natala nga kadaot sa oil infrastructure sa Kharg Island.
