Subling napamatud-an ni LeBron James ang iyang walay sama nga kahanas sa basketball human niinigibuak ang rekord sa pinakadaghang duwa sa regular season sa kasaysayan sa National Basketball Association (NBA).
Diin naabot sa 41-anyos nga superstar ang iyang ika-1,612 sa kadaugan sa Los Angeles Lakers batok sa Orlando Magic, diin nalabwan ni James ang miaging rekord nga 1,611 ka duwa nga gihuptan ni Robert Parish sukad niadtong 1997.
Hapit pa malabwan ang makasaysayanong gabii ni James sa usa ka kapildihan sa dihang ang Orlando milabaw sa iskor nga 104-102 sa nahibiling tulo ka segundo.
Apan midaog ang Lakers pinaagi sa usa ka kusog nga three-pointer ni Luke Kennard sa kataposang segundo sa dula. Tungod niini, ang Lakers miuswag ngadto sa 46-25 ug mas nagpalig-on sa ilang pagkupot sa ikatulong pwesto sa Western Conference.
Bisan wala siya nanguna sa pag-iskor, si James nakatampo og 12 puntos, 6 ka rebounds, ug 4 ka assists.
Samtang, nangulo si Luka Dončić sa Lakers nga adunay 33 puntos, samtang si Austin Reaves midugang og 26 puntos.
Samtang, alang kang James, ang paghimo og bag-ong rekord resulta sa iyang dedikasyon sa pagpabilin nga usa ka puwersa alang sa iyang team sulod sa kapin sa duha ka dekada.
Dugang niya nga ang labing importante nga kontribusyon nga mahimo sa usa ka magdudula mao ang pagka-masaligan sa matag dula, usa ka prinsipyo nga iyang gisunod sa tibuok niyang 23 ka season sa liga.
Gawas niining rekord, si James naghupot usab og uban pang importanteng marka sa NBA, lakip na ang pinakadaghang puntos, field goal nga nahimo, ug field goal nga gisulayan sa kasaysayan sa liga.
